K-Video & News: 2014

Saturday, November 29, 2014

គ្រឿងផ្សំធម្មជាតិសំរាប់ព្យាបាលពេលហៀរសំបោរ!

មនុស្សគ្រប់គ្នាច្បាស់ជាដឹងពីជំងឺផ្តាសាយ ហើយអំឡុងពេលផ្តាសាយ ឬបន្ទាប់ អ្នកច្បាស់ជាមានជួបបញ្ហាហៀរសំបោរ, កន្ដាស់, តឹងច្រមុះ, ឈឺក, ក្អក, ក្តៅខ្លួន និងអស់កំលាំង។ និយាយពីការហៀរសំបោរវិញ មិនមែនផ្តល់ការឈឺចាប់ឲ្យយើងនោះទេ ប៉ុន្តែវាជាការរំខានមួយដ៏សំខាន់ ដែលប៉ះពាល់ដល់ការសិក្សា ឬការងាររបស់យើង ជាពិសេសវាអាចប៉ះនឹងច្រមុះរបស់យើងខ្លាំងបំផុតរហូតដល់ថ្នាក់ រលាកនៅខាងក្នុងច្រមុះចេញឈាមទៀតផង នៅពេលដែលយើងញីសសំបោរចេញមកខ្លាំងពេក ដូចនេះយើងត្រូវតែរកវិធីទប់ស្កាត់ កុំឲ្យហៀរសំបោរ។

នៅពេលនេះយើងនឹងណែនាំពីរបៀបបង្កើតគ្រឿងផ្សំធម្មជាតិពិសេសមួយប្រភេទដែល ប្រើប្រាស់សំរាប់ព្យាបាល និងមិនឲ្យអ្នកហៀរសំបោរបាន ដូចនេះសូមធ្វើតាមការណែនាំខាងក្រោម។

គ្រឿងផ្សំដែលត្រូវការ៖

ទឹកឃ្មុំ មួយស្លាបព្រា
ខ្ទឹមសបុកឲ្យម៉ត់ កន្លះស្លាបព្រា
ខ្ញីបុកឲ្យម៉ត់ កន្លះស្លាបព្រា
ទឹកក្រូចឆ្មារ មួយស្លាបព្រា
ទឹកតែក្តៅឧណ្ឌៗ មួយកែវ

បន្ទាប់ពីអ្នកបានត្រៀមគ្រឿងផ្សំទាំងនេះរួចរាល់ហើយ សូមដាក់ទឹកឃ្មុំ, ខ្ទឹមស, ខ្ញី និងទឹកក្រូចឆ្មារ ចូលទៅក្នុងទឹកតែក្តៅឧណ្ឌៗមួយកែវនោះ ហើយអ្នកអាចពិសារទឹកនេះក្នុងមួយថ្ងៃ បីដងបន្ទាប់ពីពេលបាយ ឬមុនពេលចូលគេងបាន។ ដោយសារតែខ្ញីអាចធ្វើឲ្យសសៃឈាមមានដំនើរការល្អ និងធ្វើឲ្យរាងកាយមានកំដៅ ដូចនេះហើយអ្នកនឹងមិនហៀរសំបោរទៀតទេ ចំនែកឯខ្ទឹមសមានអត្ថប្រយោជន៍សំរួលដល់ផ្លូវដង្ហើម ហើយចំហាយរបស់ខ្ទឹមសអាចសំអាតទងសួត និងសួតរបស់អ្នកបាន ដូចនេះវីរុសផ្តាសាយមិនអាចនៅបានយូរនោះទេ និងអាចកាត់បន្ថយការក្អកបានទៀតផង។ ទឹកក្រូចឆ្មាអាចជំរះស្លេសនៅបំពង់ក និងទឹកឃ្មុំដើម្បីបន្ថែមឱជារសដើម្បីឲ្យអ្នកផឹកបានងាយស្រួល បន្តិច។

សរុបសេចក្តីមក មិត្តអ្នកអានអាចប្រើប្រាស់វិធីខាងលើនេះនៅពេលដែលអ្នកហៀរសំបោរ, ឈឺក ឬនៅអំឡុងពេលផ្តាសាយបាន។ ដោយសារតែសារធាតុទាំងនោះនឹងចូលទៅបំផ្លាញវីរុសនៃជំងឺផ្តាសាយ បានភ្លាមៗ ហើយអាចឲ្យអ្នកឆាប់ជា នឹងមិនហៀរសំបោរ ឬឈឺកឡើយ។

ប្រភពៈ LT News

Saturday, November 8, 2014

ស្ត្រីជនបរទេសម្នាក់ចងកសម្លាប់ខ្លួននៅផ្ទះជួល មិនដឹងពីមូលហេតុ

ខេត្តព្រះសីហនុ ៖ ស្ត្រីជនជាតិចចៀ (GEOGIA) ម្នាក់ បានសម្រេចចិត្ត ធ្វើអត្តឃាត ដោយចងកសម្លាប់ខ្លួន នៅក្នុងផ្ទះជួល របស់ខ្លួន ដោយពុំដឹង អំពីមូលហេតុ ច្បាស់លាស់ បង្កអោយមាន ភាពភ្ញាក់ផ្អើល នាព្រឹកថ្ងៃទី០៧ ខែវិច្ឆិកា ឆ្នាំ២០១៤ នៅតំបន់ ឆ្នេរសមុទ្រអូរត្រេះ ក្នុងភូមិ៦សង្កាត់ លេខ៤ ក្រុង-ខេត្តព្រះសីហនុ ។

លោក អនុសេនីយ៏ទោ លុយ ហាង នាយប៉ុស្តិ៍រដ្ឋបាល នគរបាល សង្កាត់លេខ៤ ក្រុងព្រះសីហនុ បានឲ្យដឹងថា ជនរងគ្រោះ មានឈ្មោះ KARTVELISHVILI TAMAR ជនជាតិចចៀ (GEOGIA) អាយុ២៥ឆ្នាំ កាន់លិខិតឆ្លងដែន លេខ 11AB06333 និងមានប្តីឈ្មោះ KARTVELISHVILI GEORGE ជនជាតិចចៀ (GEOGIA) អាយុ២៥ឆ្នាំ មានមុខរបរ ទេសចរ៏រយះពេលវែង ។ សាកសពស្ត្រីរងគ្រោះ បានមកជួលផ្ទះ ជាមួយមិត្តប្រុស នៅក្នុងភូមិ៦ សង្កាត់លេខ៤ (អូត្រេះចាស់) នេះជាច្រើនខែ មកហើយ ប៉ុន្តែនៅយប់ ថ្ងៃកើតហេតុ មិនដឹងមូលហេតុអ្វី ទើបស្ត្រីរងគ្រោះ សម្រេចចិត្ត ចងក ធ្វើអត្តឃាតខ្លួនឯង ។

យោងតាមការសន្និដ្ឋាន ពីនគរបាល បច្ចេកទេស ផ្នែកកោសល្យវិច័យ នៃស្នងការដ្ឋាន នគរបាលខេត្ត ព្រះសីហនុ បានធ្វើការសន្និដ្ឋាន ជំហានដំបូងថា ជនរងគ្រោះ ពិតជាបានធ្វើអត្តឃាត ចងកសម្លាប់ខ្លួន ពិតប្រាកដ តែមិនបានដឹងថា មូលហេតុអ្វី នៅឡើយទេ ។
បច្ចុប្បន្ន សាកសពជនរងគ្រោះ ត្រូវបានសមត្ថកិច្ច រក្សាទុក រង់ចាំមន្ត្រីស្ថានទូត មកទទួល ដើម្បីចាត់ចែងបន្ត ៕

ប្រភព ៖ កោះសន្តិភាព

គ្រោះថ្នាក់លើផ្លូវជាតិលេខ 4 រវាងរថយន្តកុងតឹន័រ បុករះរថយន្ត 5 គ្រឿង

រថយន្តកុងតឺន័រ បុករះរថយន្ត៥ គ្រឿង នៅលើផ្លូវជាតិ លេខ៤ ស្លាប់ និងរបួស ជាង១០នាក់
អ្នកដំណើរជាង១០នាក់ ក្នុងនោះ មានទាំង ជន បរទេសផង ត្រូវបានសមត្ថកិច្ច រាយការណ៍ថា ស្លាប់ និងរបួស នៅក្នុង គ្រោះថ្នាក់ចរាចរណ៍មួយ រវាងរថយន្ត កុងតឺន័រ បុករះ រថយន្ត ចំនួន៥គ្រឿង ផ្សេងទៀត ស្ថិតនៅលើ ផ្លូវជាតិលេខ៤ ស្រុកព្រៃនប់ ខេត្តព្រះសីហនុ នាវេលាជាង ១០យប់ថ្ងៃទី៧ ខែវិច្ចិកា ឆ្នាំ២០១៤ នេះ។ សេចក្តីរាយការណ៍ បានឲ្យដឹងថា ជនរងគ្រោះ ២នាក់ ត្រូវបាន គៀបជាប់ នៅក្នុងរថយន្តតែម្តង។
ក្រោយកើតហេតុ កម្លាំងសមត្ថកិច្ច ជាច្រើនាក់ បានចុះទៅជួយអន្តរាគមន៍ តែមិនទាន់ដឹងថា មកពីមូលហេតុ អ្វីនោះទេ ៕

ប្រភព៖ Khmerload

Thursday, November 6, 2014

ដល់តែត្រូវមួយដប បានដឹងខ្លួន

របៀប Jailbreak iOS 8 និង iOS 8.1

ដូចការគ្រោងទុករបស់យើងអញ្ចឹងពោលក្រុម Pangu ពិតជានឹងបញ្ចេញវិធី Jailbreak ប្រព័ន្ធប្រតិបត្តិការណ៍ iOS 8 ពិតប្រាកដមែន ក៏ប៉ុន្តែការ Jailbreak លើកនេះមិនងាយស្រួលដូចលើកមុននោះទេ។ កម្មវិធី Pangu ពិតជាអាច Jailbreak ឧបករណ៍ដែលដំណើរការដោយ iOS 8 ពិតប្រាកដមែន ក៏ប៉ុន្តែយើងមិនទាន់ឃើញមានកម្មវិធី Cydia នៅឡើយទេ ប៉ុន្តែយើងក៏អាចធ្វើការតម្លើង Cydia បានតាមក្រោយទៀតដែរដោយវិធីសាំញ៉ាំមួយទៀត។

បម្រាម

វិធីនេះមានភាពសាំញាំណាស់ ដូច្នេះបើអ្នកមិនសូវស្ទាត់ជំនាញទេ សូមកុំព្យាយាមអោយសោះ
បន្ទាប់ពី Jailbreak ហើយ អ្នកនឹងមិនឃើញមានកម្មវិធី Cydia នោះទេ

តមូ្រវការ

មាន iPhone, iPad, iPod Touch ដែលដំណើរការដោយប្រព័ន្ធប្រតិបត្តិការណ៍ iOS 8.0.x រឺ 8.1
ឧបករណ៍របស់អ្នកត្រូវតែបានអាប់ដេតតាមរយៈកម្មវិធី iTunes មិនមែនតាមរយៈ Setting > General > Update ឡើយ។ បើអ្នកបានធ្វើកាអាប់ដេតតាមរយៈនេះ សូមធ្វើការអាប់ដេតទៅ iOS 8.1 តាមរយៈកម្មវិធី iTunes លើកុំព្យូទ័រម្តងទៀត
មានកុំព្យូទ័រ Windows និងកម្មវិធី iTunes ជំនាន់ចុងក្រោយបង្អស់។
ដោនឡូដកម្មវិធី Pangu សម្រាប់ Jailbreak ដោយចុចទីនេះ (Windows)

របៀប Jailbreak

ដោត iPhone, iPad ដែលដំណើរការដោយប្រព័ន្ធប្រតិបត្តិការណ៍ iOS 8 រឺ 8.1 ចូលទៅកាន់កុំព្យូទ័រ
បើកកម្មវិធី Pangu ដែលបានដោនឡូដរួច បន្ទាប់មកទៀតដោះធីកនៅប្រឡោះលេខមួយ ហើយចុចលេខពីរដើម្បីចាប់ផ្តើមដំណើរការ Jailbreak
រយៈពេលនៃការ Jailbreak នេះអាចចំណាយពេលយូរចន្លោះពី 3 នាទី ដល់ 10 នាទី ហើយប្រសិនបើវាគាំងជាប់ត្រឹមឡូហ្គោផ្លែប៉ោមរយៈពេលយូរ សូមព្យាយាមធ្វើម្តងទៀត
បន្ទាប់ពីទទួលបានភាពជោគជ័យហើយអ្នកនឹងឃើញកម្មវិធីចំនួនពីរគឺ Pangu និង 25pp

បញ្ជាក់ៈ នេះគឺជាដំណាក់កាលដំបូងនៃកា Jailbreak ពោលយើងនឹងជំរាបជូនពីរបៀបបញ្ចូលកម្មវិធី Cydia តាមក្រោយទៀត។ អត្ថប្រយោជន៍នៃការ Jailbreak នេះគឺវាមានភ្ជាប់មកជាមួយកម្មវិធី 25pp ដែលអាចអោយយើងតម្លើងហ្គេម និងកម្មវិធីបានដោយឥតគិតថ្លៃ ហើយវាក៏អនុញ្ញាត្តអោយយើងតម្លើងកម្មវិធី Cydia បានផងដែរ។

ប្រភពៈ Pangu, Cambo-Report

Wednesday, November 5, 2014

ហាងមួយកន្លែងនៅ សឹង្ហបុរី លក់ទូរស័ព្ទដៃ iPhone 6 ធ្វើឲ្យ បុរសវៀតណាម យំអង្វរ សុំប្តូរយកប្រាក់វិញ

សឹង្ហបុរី៖ ភ្ញៀវទេសចរ ជនជាតិវៀតណាមម្នាក់ បានលុតជង្គង់ចុះ យំអង្វរម្ចាស់ហាង សុំប្តូរទូរស័ព្ទដៃ iPhone 6 ដែលគាត់ បានទិញ ឲ្យមិត្តស្រីរបស់គាត់ យកប្រាក់វិញ ពេលទៅទេសចរណ៍ នៅប្រទេស សឹង្ហបុរី។

តាមប្រភពព័ត៌មាន បានឲ្យដឹងថា បុរសជនជាតិវៀតណាមម្នាក់ មិនត្រូវបានស្គាល់ឈ្មោះ បានទៅ ទេសចរណ៍ នៅប្រទេស សឹង្ហបុរី ជាមួយនឹងមិត្តស្រី ហើយបានឆែកមើល ឃើញថាទូរស័ព្ទដៃ iPhone 6 មានលក់ហើយ នៅក្នុងហាង លក់ទូរស័ព្ទ Mobile Air ដែលស្ថិតនៅ Sim Lim Square ទើបនាំមិត្ត ស្រីទៅទិញ។ បុរសជនជាតិ វៀតណាម ដែលជាកម្មករ រោងចក្រ មានប្រាក់ខែត្រឹម ២០០ដុល្លារ បានខំសន្សំប្រាក់រាប់ខែ ដើម្បីធ្វើឲ្យមិត្តស្រី ភ្ញាក់ផ្អើលក្នុងថ្ងៃ ខួបកំណើត របស់នាង ដោយបានទិញ ទូរស័ព្ទដៃ iPhone 6 ក្នុងតម្លៃ ៩៥០ដុល្លារ ពីក្នុងហាង Mobile Air។
ជាមួយគ្នានេះដែរ បុរសវៀតណាមនោះ បានបង់ប្រាក់សុទ្ធ ឲ្យទៅអ្នកលក់ ព្រោះគិតថា ការទិញទំនិញ នៅក្នុង ប្រទេសសឹង្ហបុរី គឺមានសុវត្ថិភាព ហើយបូករួមទាំងភាសា អង់គ្លេសរបស់គាត់ មិនសូវស្ទាត់ ផងនោះ ទើបគាត់មិនបាន ពិនិត្យមើលឯកសារ ឲ្យបានច្បាស់លាស់ នោះទេ ក៏ចុះហត្ថលេខា នៅលើវិក្ក័យ ប័ត្រ ទិញនោះ។ នៅពេលដែលគាត់ រៀបនឹងយកទូរស័ព្ទ ចាកចេញពីក្នុងហាង អ្នកលក់ បាន សួរគាត់ថា តើគាត់ចង់បានការធានា រយៈ១ឆ្នាំ ឬ ២ឆ្នាំ ហើយគាត់ក៏ជ្រើសយក ការធានារយៈ ១ឆ្នាំ ប៉ុន្តែអ្វី ដែលធ្វើឲ្យគាត់ មានការភ្ញាក់ផ្អើលនោះ គឺអ្នកលក់តម្រូវ ឲ្យគាត់បង់ប្រាក់ ចំនួន ១,៥០០ដុល្លារ បន្ថែមទៀតសម្រាប់ ការធានានោះ បើមិនដូច្នោះទេ គាត់មិនអាចយក ទូរស័ព្ទទៅបានឡើយ។
នៅពេលនោះ គាត់មិនដឹងធ្វើយ៉ាងណា ក៏បានលុតជង្គង់ ហើយយំអង្វរអ្នកលក់ សុំប្តូរយកប្រាក់ ៩៥០ដុល្លារនោះ មកវិញ ប៉ុន្តែអ្នកលក់ បានសើចគាត់ ហើយគ្មាន អ្នកដំណើរណាម្នាក់ ដែលឆ្លងកាត់នោះ ជួយគាត់នោះទេ។ ក្រោយមកអ្នកលក់ បានយល់ព្រមឲ្យប្រាក់គាត់ ៦០០ដុល្លារ នឹងយកទូរស័ព្ទវិញ ហើយគាត់ក៏បានយល់ព្រម ទទួលយកប្រាក់ ៦០០ដុល្លារនោះ តែមិត្តស្រីរបស់ គាត់ មិនព្រមឲ្យអ្នកលក់ ចំណេញ ៣៥០ដុល្លារ ទទេរៗ នោះទេ ហើយអ្នកលក់ បានប្រាប់ថា នាងនឹងមិនទទួលបាន ប្រាក់៦០០ដុល្លារនោះទេ ប្រសិនបើនាងប្តឹងប៉ូលីស។
យ៉ាងណាមិញ មិត្តស្រីរបស់បុរសវៀតណាមនោះ នៅតែមិនព្រម ហើយបានទូរស័ព្ទប្តឹងប៉ូលីស នៅពេល ដែលប៉ូលីស មកដល់ អ្នកលក់បានបង្ហាញ វិក្ក័យប័ត្រ ទៅកាន់ប៉ូលីស ហើយយល់ព្រម ឲ្យប្រាក់ បុរសនោះវិញតែ ៧០ដុល្លារទេ។ ប៉ុន្តែក្រោយមក ដោយមានការ សម្របសម្រួល ពីមន្ត្រីនៅក្នុងតំបន់ ទើបអ្នកលក់ព្រម ឲ្យប្រាក់ចំនួន៤០០ដុល្លារវិញ ហើយបុរសនោះក៏ព្រមយក ប្រាក់៤០០ដុល្លារនោះ ដើម្បីបញ្ចប់រឿង ព្រោះគាត់ត្រូវត្រលប់ ទៅប្រទេសវៀតណាម វិញ ព្រោះថាបើប្តឹងបន្តទៀត ក៏មិនសង្ឃឹមថា នឹងបានប្រាក់ទាំងអស់ មកវិញដែរ។
នេះអាចជាមេរៀនដាស់តឿន មួយ សម្រាប់បងប្អូន ប្រជាពលរដ្ឋខ្មែរ មួយចំនួន ដែលចូលចិត្ដ ទិញ របស់ប្រើប្រាស់ នៅក្រៅ ប្រទេស ជាពិសេស នៅពេលដែល មិនអាច និយាយភាសា ស្រុកគេ បានស្ទាត់ជំនាញ បន្ថែមទៀតនោះ៕

ប្រភព ៖ Khmerload

តារាចម្រៀងល្បីៗជាង ១០ ដួង មានទីផ្សារខ្ពស់បំផុតថ្ងៃបុណ្យអុំទូក!

តារាចម្រៀងស្រី-ប្រុសប្រមាណជា ១០ដួងមកពីផលិតកម្ម រស្មីហង្សមាស សាន់ដេ និង Town ត្រូវគេដឹងមានទីផ្សារខ្ពស់សម្រាប់ព្រះរាជពិធីបុណ្យអុំទូកចូលមក ដល់ថ្ងៃខានស្អែកនេះ។

លោក ឡាយ សុកចំរើន អ្នកចាត់ការទូទៅផលិតកម្មសាន់ដេលើកឡើងថា តារាចម្រៀងរបស់ខ្លួនមានទីផ្សារខ្លាំងជាងគេសម្រាប់ពិធីបុណ្យ អុំទូកខាងមុខមានដូចជា ខេមរៈ សិរីមន្ត សុខ ពិសី ឆាយ វីរៈយុទ្ធ និង កែវ វាសនា។

អ្នកចាត់ការទូទៅរូបនេះបញ្ជាក់ថា៖”តាមពិតតារាយើងមានទីផ្សារ ទាំងអស់ថ្ងៃអុំទូក តែសម្រាប់៤នាក់ខ្ញុំបានលើកឡើងនេះគឺពួកគេច្រៀងបីថ្ងៃពេញតែ ម្ដង”។

យ៉ាងណាក៏ដោយលោក ឡាយ សុកចំរើន មិនបង្ហើបឱ្យដឹងថា តើតារារបស់ខ្លួនច្រៀងឱ្យក្រុមហ៊ុន និង ស្ថានីយទូរទស្សន៍ណាខ្លះនៅឡើយទេ។ ម្យ៉ាងទៀតទឹកប្រាក់ប៉ុន្មានពួកគេម្នាក់ៗទទួលបានពីការច្រៀងបី ថ្ងៃនៃព្រះរាជពិធីបុណ្យអុំទូកក៏លោកមិនបង្ហើបឱ្យដឹងដែរ។

ស្រដៀងគ្នានេះដែរអ្នកចាត់ការទូទៅផលិតកម្ម Town លោក មាស សុខរតនៈ ក៏មិនបង្ហើបឱ្យដឹងពីទឹកប្រាក់ដែលតារាចម្រៀងរបស់ខ្លួនទទួលបាន រួមនឹងការច្រៀងឱ្យផលិតផល ឬស្ថានីយទូរទស្សន៍ណាមួយទេ។ ក៏ប៉ុន្តែលោកនិយាយថាក្រុមតារាចម្រៀងក្នុងផលិតកម្មលោកមាន ទីផ្សារទាំងអស់នាថ្ងៃបុណ្យអុំទូកដើមខែវិច្ឆិកាខាងមុខ។

និយាយពីតារាចម្រៀងមានទីផ្សារខ្ពស់បំផុតថ្ងៃពិធីនេះលោក បញ្ជាក់ថា៖”អាចមាន អាភា និសា និង ខេម ជាដើម។ តែខ្ញុំគិតថានេះមិនទាន់ប្រាកដនៅឡើយទេ ព្រោះមានគេទាក់ទងច្រើនមកទៀត”។

ដោយឡែកខាងផលិតកម្ម រស្មីហង្សមាស មិនអាចសុំការបញ្ជាក់បានទេជុំវិញតារាចម្រៀងមានទីផ្សារខ្ពស់ ថ្ងៃបុណ្យអុំទូក។ ទោះជាយ៉ាងណាក៏ដោយតាមប្រភពពីអ្នករៀបចំកម្មវិធីល្បីឈ្មោះ និយាយក្នុងលក្ខខណ្ឌសុំមិនបញ្ចេញអត្តសញ្ញាណប្រាប់ថា តារាចម្រៀងមានទីផ្សារខ្ពស់ជាងគេក្នុងព្រះរាជពិធីនេះមានដូចជា ព្រាប សុវត្ថិ ឱក សុគន្ធកញ្ញា ឆន សុវណ្ណរាជ និងពេជ្រ សោភា ជាដើម។

ប្រភពបន្តថាក្រៅតែពីតារាចម្រៀងទាំងពីរនៅមានតារាចម្រៀង ស្រី-ប្រុសជាច្រើនរូបទៀតក្នុងផលិតកម្មខាងលើមានទីផ្សារក្នុងពិធី បុណ្យអុំទូក។

ក្រុមតារាចម្រៀងនានាខកខានប្រមូលប្រាក់បីឆ្នាំមកហើយក្នុង ព្រះរាជពិធីបុណ្យអុំទូក ព្រោះកាលពីឆ្នាំ២០១០ កន្លងមានព្រឹត្តិការណ៍រត់ជាន់គ្នានៅកោះពេជ្របណ្ដាលឱ្យមនុស្ស រាប់រយនាក់ស្លាប់។

ទើបតែឆ្នាំ២០១៤នេះទេទើបរាជរដ្ឋាភិបាលសម្រេចប្រារព្ធពិធីបុណ្យ អុំទូកឡើងវិញ ជាហេតុធ្វើឱ្យតារាចម្រៀងមានឱកាសកើបប្រាក់បានច្រើន៕

ប្រភព : Sabay

Page

Saturday, November 29, 2014

Saturday, November 8, 2014

Thursday, November 6, 2014

Wednesday, November 5, 2014