Tuesday, June 30, 2015
របៀបកំណត់កាលវិភាគអោយកុំព្យូទ័ររបស់អ្នកធ្វើ Disk Cleanup ដោយស្វ័យប្រវត្តិ
Disk Cleanup គឺជាមុខងារមួយ ដែលបង្កើតឡើង មានមកជាប់
ប្រព័ន្ធប្រតិបត្តិការ Windows ។ វាមានតួនាទីជួយ សម្អាត ឬ លុបចោល
នូវប្រភេទ ឯកសារបណ្តោះអាសន្ន ដែលធ្វើអោយ កុំព្យូទ័ររបស់លោកអ្នក
មានសភាពលឿន។ នៅថ្ងៃនេះ ខេមបូរីផត សូមបង្ហាញ ប្រិយមិត្តទាំងអស់ ពីរបៀបកំណត់
កាលវិភាគ អោយកុំព្យូទ័ររបស់អ្នក ធ្វើ Disk Cleanup ដោយស្វ័យប្រវត្តិ
អាចជាប្រចាំថ្ងៃ ប្រចាំសប្តាហ៍ ឬមួយក៏ ពេលកុំព្យូទ័រចាប់ផ្តើមជាដើម។
ដំបូង បងប្អូនត្រូវចូលទៅកាន់ប្រអប់ Search រួចវាយពាក្យថា task scheduler និងចុច Enter។
ពេលនោះ វានឹងចេញផ្ទាំងកម្មវិធី ដូចរូបខាងក្រោម ហើយ បងប្អូនត្រូវចុចត្រង់ Action រួចជ្រើសរើសយក Create Basic Task។
បន្ទាប់មកទៀត វានឹងចេញផ្ទាំងកម្មវិធីបែប Wizard ដោយប្រិយមិត្ត ត្រូវបំពេញ
ឈ្មោះអ្វីក៏បានដែរ ដូចជា ដាក់ថា Disk Cleanup ជាដើម។ បន្ទាប់មកចុច Next ។
មកដល់ចំណុចនេះ យើងអាច ជ្រើសរើសកាលវិភាគ ដើម្បីអោយវាធ្វើ Disk Cleanup
ដោយមានជម្រើសច្រើនដូចជា ប្រចាំថ្ងៃ ប្រចាំសប្តាហ៍ ប្រចាំខែ
ពេលកុំព្យូទ័របើក ប៉ុន្តែនៅទីនេះ សន្មត់ថា យើងជ្រើសរើសយក ប្រចាំសប្តាហ៍។
ក្រោយពេលចុច ជ្រើសរើសយក ប្រចាំសប្តាហ៍ហើយ វានឹងចេញ ថ្ងៃក្នុងមួយ សប្តាហ៍អោយអ្នកជ្រើសរើស។
ជំហ៊ានចុងក្រោយ បងប្អូន ត្រូវចុចលើ Start a program និង វាយពាក្យថា cleanmgr.exe នៅក្នុងប្រអប់ Program/Script ដូចរូប។
ដូច្នេះ ដើម្បីធ្វើអោយ កុំព្យូទ័ររបស់អ្នក មានសភាព កាន់តែលឿន ជាងធម្មតា
បងប្អូនត្រូវតែ កំណត់កាលវិភាគអោយវាធ្វើការ Cleanup ជាប្រចាំ ដើម្បីលុបនូវ
កាកសំណល់ ឯកសារមួយចំនួន ដែលហូរចូល តាមរយៈការបើក Browser ឬ
កម្មវិធីផ្សេងៗទៀត។
- ដោយ: Vannoch
- ប្រភព:Cambo-Report, howtogeek
Monday, June 29, 2015
ស្បែកជើងប៉ាតាមួយគូអាចប្ដូរពណ៌បានតាមចំណង់ចំណូលចិត្ត
ជាទូទៅនៅពេលដែលអ្នកចង់ទិញស្បែកជើងប៉ាតាណាមួយ អ្នកតែងមានភាពពិបាកក្នុងការជ្រើសរើសពណ៌ដែលពេញចិត្ត។ តែពេលនេះនឹងលែងជាបញ្ហាទៀតហើយ ដោយមានត្រឹមតែស្បែកជើងប៉ាតាមួយគូ អ្នកអាចផ្លាស់ប្ដូរពណ៌បានទៅតាមចំណង់ចំណូលចិត្តរបស់អ្នក។
ក្រុមហ៊ុនរបស់ប្រទេសអង់គ្លេសមួយបានបង្ហាញគម្រោងអំពីបច្ចេកវិទ្យាមួយដែលឈ្មោះថា Shift Sneaker។ បច្ចេកវិទ្យានេះត្រូវបានគេប្រើលើស្បែកជើងប៉ាតាដើម្បីអាចផ្លាស់ប្ដូរពណ៌ស្បែកជើងបានតាមអារម្មណ៍របស់អ្នកពាក់។ អ្នកពាក់អាចធ្វើការប្ដូរពណ៌ស្បែកជើង ដោយគ្រាន់តែយកដៃទៅប៉ះស្បែកជើង នោះវានឹងប្ដូរពណ៌ដោយ Random។ ហើយអ្នកពាក់ក៏អាចប្រើប្រាស់កម្មវិធីទូរសព្ទដែលមានឈ្មោះថា Pack Store ដើម្បីធ្វើការទាញយកពណ៌ស្បែកជើងថ្មីៗ ដាក់វាទៅលើស្បែកជើងបានទៀតផង។
ក្រុមហ៊ុនរបស់ប្រទេសអង់គ្លេសមួយបានបង្ហាញគម្រោងអំពីបច្ចេកវិទ្យាមួយដែលឈ្មោះថា Shift Sneaker។ បច្ចេកវិទ្យានេះត្រូវបានគេប្រើលើស្បែកជើងប៉ាតាដើម្បីអាចផ្លាស់ប្ដូរពណ៌ស្បែកជើងបានតាមអារម្មណ៍របស់អ្នកពាក់។ អ្នកពាក់អាចធ្វើការប្ដូរពណ៌ស្បែកជើង ដោយគ្រាន់តែយកដៃទៅប៉ះស្បែកជើង នោះវានឹងប្ដូរពណ៌ដោយ Random។ ហើយអ្នកពាក់ក៏អាចប្រើប្រាស់កម្មវិធីទូរសព្ទដែលមានឈ្មោះថា Pack Store ដើម្បីធ្វើការទាញយកពណ៌ស្បែកជើងថ្មីៗ ដាក់វាទៅលើស្បែកជើងបានទៀតផង។
សូមបញ្ជាក់ថា នេះគ្រាន់តែជាគម្រោងការមួយដែលគេបានសិក្សា ប៉ុន្តែគេជឿជាក់ថាបច្ចេកវិទ្យានេះនឹងមាននៅក្នុងពេលឆាប់ៗខាងមុខនេះ។
ប្រភព៖ Sabay News, dailymail
គ្រាប់បែកទម្ងន់ ១៥តោនរបស់អាមេរិកអាចកម្ទេចមូលដ្ឋាននុយក្លេអ៊ែរអ៊ីរ៉ង់
ការអភិវឌ្ឍន៍អាវុធនុយក្លេអ៊ែររបស់ប្រទេសអ៊ីរ៉ង់ បានធ្វើឲ្យបណ្ដាប្រទេសនានាលើលោកមានកង្វល់យ៉ាងខ្លាំងចំពោះការគំរាមកំហែងសន្តិសុខអន្តរជាតិ ជាពិសេសគឺមហាអំណាចយោធាអាមេរិក។ ទោះយ៉ាងណា សហរដ្ឋអាមេរិកមានសព្វាវុធទំនើបៗជាច្រើន តួយ៉ាងដូចជាគ្រាប់បែកទម្ងន់ ១៥តោនបំពាក់លើយន្តហោះចម្បាំង B-2 ដែលកាសែត Politico អះអាងថាអាចមានសមត្ថភាពកម្ទេចមូលដ្ឋានផលិតអាវុធនុយក្លេអ៊ែររបស់អ៊ីរ៉ង់។
កិច្ចចរចាលើកម្មវិធីអាវុធនុយក្លេអ៊ែរជាមួយប្រទេសអ៊ីរ៉ង់ ដើម្បីឈានទៅរកការព្រមព្រៀងរួមមួយ នឹងឈានដល់ពេលកំណត់នៅថ្ងៃទិ៣០ ខែមិថុនាស្អែកនេះ។ ប្រសិនបើការចរចាបរាជ័យ រដ្ឋបាលលោកអូបាម៉ា ព្រមទាំងប្រធានាធិបតីអាណត្តិបន្ទាប់ អាចនឹងមានគម្រោងការB ដែលជាការប្រើប្រាស់កម្លាំងបាយ។ នេះបើតាមការរៀបរាប់របស់អ្នកវិភាគនយោបាយ Michael Crowley របស់កាសែត Politico នៅសហរដ្ឋអាមេរិក។
បើតាមការបញ្ជាក់របស់លោក Crowley បង្ហាញថាអាមេរិកកំពុងធ្វើតេស្តគ្រាប់បែកយ៉ាងតិចបីដង នៅវាលខ្សាច់រដ្ឋ New Mexico។ គ្រាប់បែកឈ្មោះ MOP បំពាក់លើយន្តហោះចម្បាំងដ៏មានឥទ្ធិពល B-2 ដែលមានបច្ចេកវិទ្យាទំនើបចុងក្រោយបំផុត និងមានតម្លៃជាង ២ពាន់លានដុល្លារ។
គ្រាប់បែកដែលធ្វើតេស្តខាងលើនេះ មានឈ្មោះ BLU-109 និងមានទម្ងន់ប្រហែល ១តោន។ ចំណែកគ្រាប់បែក MOP មានទម្ងន់ ១៥តោន ដែលអាចមានសមត្ថភាពខ្លាំងជាង ១០ដង នៃគ្រាប់បែកនៅក្នុងវីដេអូខាងលើ៕
ប្រភព៖ Sabay News, businessinsider
Sunday, June 28, 2015
ផ្ទុះឆេះម្សៅជាតិផ្ទុះក្នុងសួនទឹក មនុស្សជាង៤០០នាក់រងរបួសនៅតៃវ៉ាន់
មនុស្សយ៉ាងតិចណាស់៤៧២នាក់បានរងរបួសនៅក្នុងឧបទ្ទវហេតុផ្ទុះឆេះម្សៅជាតិផ្ទុះនៅសួនទឹក ក្នុងទីក្រុងតាយប៉ិ នៃកោះតៃវ៉ាន់។
តាមសារព័ត៌មាន Central News Agency បានឲ្យដឹងថា ហេតុការណ៍ផ្ទុះឆេះបានកើតឡើងកាលពីថ្ងៃសៅរ៍ម្សិលមិញនៅសួនទឹក Formosa Fun Coast ដោយគេឃើញមានម្សៅល្អិតតូចៗហើរមកប៉ះជាប់កន្លែងសួនទឹកកម្សាន្ត។ក្រោយមកម្សៅនោះបានបង្កជាអណ្ដាតភ្លើង និងបានផ្ទុះឆេះរាលដាលខ្លាំងឡើងជាភ្លើងសន្ធោសន្ធៅដែលបង្កភាពភ្ញាក់ផ្អើល និងធ្វើឲ្យមនុស្សនៅទីនោះជាច្រើននាក់រងរបួស។
ភ្លាមៗក្រោយពេលដែលកើតហេតុនេះក្រុមអ្នកជួយសង្គ្រោះបានយកពោងសែងជនរងគ្រោះចេញមក។ ដោយឡែកមនុស្សជាង៤០០នាក់បានរងរបួសដោយនៅក្នុងនោះចំនួន១០០នាក់បានរងរបួសធ្ងន់។
អ្នកជំនាញបានសន្និដ្ឋានថា ម្សៅជាតិផ្ទុះនេះទំនងជាធ្លាយចេញមកពីប្រភពរោងចក្រក្បែរនោះ ប៉ុន្តែយ៉ាងណាក្ដីប្រភពម្សៅជាតិផ្ទុះនេះស្ថិតនៅក្នុងការស៊ើបអង្កេតនៅឡើយ៕
ប្រភព៖ Sabay News, CNN
Facebook ចេញមុខងារថ្មីដាក់រូបភាព Profile ជាប់ឥន្ទធនូអបអរច្បាប់រៀបការភេទដូចគ្នានៅអាមេរិក
ក្រុមហ៊ុនបណ្ដាញសង្គម Facebook បានដាក់ឲ្យប្រើប្រាស់នូវមុខងាររូបភាពថ្មីសម្រាប់អបអរទៅដល់សេចក្ដីសម្រេចរបស់តុលាការកំពូលអាមេរិកដែលបានទទួលស្គាល់ និងអនុញ្ញាតឲ្យមនុស្សភេទដូចគ្នាអាចរៀបការជាមួយគ្នាបាន។
ចំពោះអ្នកលេង Facebook ផ្សេងៗក៏អាចធ្វើតេស្ដសាកល្បងនូវ Tool ថ្មីនេះបានដែរ ដោយគ្រាន់តែ ចុចនៅទីនេះ ឬ ចូលទៅកាន់វិបសាយ (https://www.facebook.com/celebratepride)។ តែត្រូវចាំថា អ្នកបាន Log in ចូលទៅក្នុងគណនីរបស់អ្នក។ បន្ទាប់មកចុចលើប៊ូតុង “Use as Profile Picture” នោះអ្នកនឹងបានរូបភាព Profile ដែលមានរូបឥន្ទធនូជាប់ជាមួយ៕
ប្រភព៖ Sabay News , cnet
នៅថ្ងៃទី ២៦ ខែ មិថុនាម្សិលមិញនេះ តុលាការកំពូលរបស់អាមេរិកបានសម្រេចចិត្ត និងយល់ព្រមឲ្យមនុស្សមានភេទដូចគ្នាអាចរៀបការជាមួយគ្នាបាននៅក្នុងទឹកដីអាមេរិក។ ដូច្នេះដើម្បីអបអរដល់សេចក្ដីសម្រេចនេះ Facebook ក៏បានបង្កើត Tool មួយដែលអនុញ្ញាតឲ្យអ្នកប្រើប្រាស់បង្កើតរូបភាព Profile ដែលមានរូបភាពជាឥន្ទធនូដ៏ស្រស់ស្អាតជាប់ជាមួយនឹងរូប Profile ។ មិនមែនមានតែ Facebook តែមួយប៉ុណ្ណោះនោះទេ ក្រុមហ៊ុនផ្សេងទៀតដូចជា Apple, Google, Uber និង Salesforce ក៏បានអបអរទៅនឹងសេចក្ដីសម្រេចនេះដែរ។
ប្រភព៖ Sabay News , cnet
Saturday, June 27, 2015
Subscribe to:
Posts (Atom)