K-Video & News
កម្សាន្ត ពត័មាន (ប្រភពពី Internet)
Wednesday, July 1, 2015
ត្រឹមចុះកម្មសិក្សានៅក្រុមហ៊ុន Apple ក៏អាចបានប្រាក់ ៧០០០$ ក្នុងមួយខែដែរ
បុគ្គលិករបស់ Apple ត្រូវបានដឹងថា ទទួលបានប្រាក់ចំណូលយ៉ាងច្រើនក្រៃលែងក្នុងមួយឆ្នាំៗ មិនតែប៉ុណ្ណោះ អ្នកដែលចុះកម្មសិក្សានៅក្រុមហ៊ុននេះក៏អាចរកចំណូលបានដល់៧ពាន់ដុល្លារក្នុងមួយខែដែរ។ នេះបើយោងតាមការចុះផ្សាយរបស់វិបសាយ Business Insider។
បេក្ខជនដែលចុះកម្មសិក្សាអាចរកបាន៣៨ដុល្លារក្នុងមួយម៉ោង ហើយប្រសិនបើធ្វើការលើសពី៦០ម៉ោងក្នុងមួយសប្ដាហ៍ នឹងទទួលបាន៧៦ដុល្លារក្នុងមួយម៉ោង សម្រាប់ម៉ោងដែលលើសនោះ។ អ្នកចុះកម្មសិក្សាក៏មិនចាំបាច់ព្រួយបារម្ភពីកន្លែងស្នាក់នៅដែរ ដោយសារ Apple ផ្ដល់កន្លែងស្នាក់នៅដោយឥតគិតថ្លៃសម្រាប់រយៈពេលធ្វើកម្មសិក្សានេះ។
ហើយប្រសិនបើអ្នកមិនចង់ស្នាក់នៅរួមគ្នាជាមួយអ្នកចុះកម្មសិក្សាដទៃទេ Apple នឹងផ្ដល់ឲ្យអ្នក១០០០ដុល្លារសម្រាប់ថ្លៃជួលកន្លែងស្នាក់នៅ។ មួយវិញទៀត ប្រសិនបើអ្នកត្រូវបំពេញកិច្ចការងារនៅខាងក្រៅ អ្នកនឹងទទួលបាន៣៣០០ដុល្លារសម្រាប់ជាថ្លៃធ្វើដំណើរ ដែលត្រូវចំណាយលើសំបុត្រយន្តហោះជាដើម៕
Tuesday, June 30, 2015
របៀបកំណត់កាលវិភាគអោយកុំព្យូទ័ររបស់អ្នកធ្វើ Disk Cleanup ដោយស្វ័យប្រវត្តិ
Disk Cleanup គឺជាមុខងារមួយ ដែលបង្កើតឡើង មានមកជាប់
ប្រព័ន្ធប្រតិបត្តិការ Windows ។ វាមានតួនាទីជួយ សម្អាត ឬ លុបចោល
នូវប្រភេទ ឯកសារបណ្តោះអាសន្ន ដែលធ្វើអោយ កុំព្យូទ័ររបស់លោកអ្នក
មានសភាពលឿន។ នៅថ្ងៃនេះ ខេមបូរីផត សូមបង្ហាញ ប្រិយមិត្តទាំងអស់ ពីរបៀបកំណត់
កាលវិភាគ អោយកុំព្យូទ័ររបស់អ្នក ធ្វើ Disk Cleanup ដោយស្វ័យប្រវត្តិ
អាចជាប្រចាំថ្ងៃ ប្រចាំសប្តាហ៍ ឬមួយក៏ ពេលកុំព្យូទ័រចាប់ផ្តើមជាដើម។
ដំបូង បងប្អូនត្រូវចូលទៅកាន់ប្រអប់ Search រួចវាយពាក្យថា task scheduler និងចុច Enter។
ពេលនោះ វានឹងចេញផ្ទាំងកម្មវិធី ដូចរូបខាងក្រោម ហើយ បងប្អូនត្រូវចុចត្រង់ Action រួចជ្រើសរើសយក Create Basic Task។
បន្ទាប់មកទៀត វានឹងចេញផ្ទាំងកម្មវិធីបែប Wizard ដោយប្រិយមិត្ត ត្រូវបំពេញ
ឈ្មោះអ្វីក៏បានដែរ ដូចជា ដាក់ថា Disk Cleanup ជាដើម។ បន្ទាប់មកចុច Next ។
មកដល់ចំណុចនេះ យើងអាច ជ្រើសរើសកាលវិភាគ ដើម្បីអោយវាធ្វើ Disk Cleanup
ដោយមានជម្រើសច្រើនដូចជា ប្រចាំថ្ងៃ ប្រចាំសប្តាហ៍ ប្រចាំខែ
ពេលកុំព្យូទ័របើក ប៉ុន្តែនៅទីនេះ សន្មត់ថា យើងជ្រើសរើសយក ប្រចាំសប្តាហ៍។
ក្រោយពេលចុច ជ្រើសរើសយក ប្រចាំសប្តាហ៍ហើយ វានឹងចេញ ថ្ងៃក្នុងមួយ សប្តាហ៍អោយអ្នកជ្រើសរើស។
ជំហ៊ានចុងក្រោយ បងប្អូន ត្រូវចុចលើ Start a program និង វាយពាក្យថា cleanmgr.exe នៅក្នុងប្រអប់ Program/Script ដូចរូប។
ដូច្នេះ ដើម្បីធ្វើអោយ កុំព្យូទ័ររបស់អ្នក មានសភាព កាន់តែលឿន ជាងធម្មតា
បងប្អូនត្រូវតែ កំណត់កាលវិភាគអោយវាធ្វើការ Cleanup ជាប្រចាំ ដើម្បីលុបនូវ
កាកសំណល់ ឯកសារមួយចំនួន ដែលហូរចូល តាមរយៈការបើក Browser ឬ
កម្មវិធីផ្សេងៗទៀត។
- ដោយ: Vannoch
- ប្រភព:Cambo-Report, howtogeek
Subscribe to:
Posts (Atom)